"هانضم_لداعش"... هاشتاج جديد أطلقه بعض رواد مواقع التواصل الاجتماعي على "تويتر"، وصل "الهاشتاج" إلى "المركز الثاني" على مستوى جمهورية مصر العربية، وعلى الرغم من هذا المسمى الخطير لـ"الهاشتاج" إلا أن النشطاء استخدموه بشكل ساخر للرد على داعش
وقال أحمد، أحد نشطاء "تويتر": "هانضم لداعش علشان أقلِّبهم في فلوسهم"، وساخرًا قال "القبطان": "هانضم لداعش علشان بأحب الأكشن والذبح والقتل وألبس ساعات غالية وأطقم ع الموضة
هانضم_لداعش: عشان عندهم ايس كاب بيغطى الوش كله فالبرد ده
علشان نلبس كلنا الساعه ف اليمين ونقتل اللى هيلبسها ف الشمال #هانضم_لداعش
هانضم_لداعش: حِتة مُحامى كَحيان
كل ما أجي أغسل ألاقي الدنيا تمطر علشان كده #هانضم_لداعش
كل شوية ابويا يقولى اعمليلى شاى كده كتير تو ماتش #هانضم_لداعش
#هانضم_لداعش...و أسرق فلوس الزكاة منهم تاني ويبقي المصريين إلى نصبوا على الداعشين
#هانضم_لداعش علي امل انهم يبعتوني اجاهد واعمل عمليات ارهابية في المانيا ولا فرنسا و اخلع ومارجعش تاني
غيااب القصااص قتل الشرطة للناس بدون حسابالنظاام القمععى وتعذيب الناس فى السجون هيخلى كل واحد يقول انا #هانضم_لداعش
#هانضم_لداعش عشان صحيت بدري النهاردة ومش عارف اعمل ايه !!
عشان النور بيقطع كتير عندنا #هانضم_لداعش
لو بابا مزودش المصروف#هانضم_لداعش
مش عايزة اطبخ كل يوم #هانضم_لداعش
قرفت من البيت #هانضم_لداعش
#هانضم_لداعش عشان شطبوا اسمي من نقابة الموسيقيين
لو الاهلي خسر بكره #هانضم_لداعش
#هانضم_لداعش إعارة لحد ما الدورى المصرى يرجع
ماما بتسقينى كوباية اللبن كل يوم وانا زهقت #هانضم_لداعش
مراتى وقفت تسع ساعات في المطبخ وفي الآخر طبخت اندومى عشان كده انا #هانضم_لداعش
بعيد عن انه هشتاج هزار و ضحك بس هو بيوضح المأساه ال احنا داخلين عليها و ان الموضوع مش ضحك خالص// ربنا يسترها علينا #هانضم_لداعش
جيت اسخن الاكل لقيت الانبوبه فاضيه #هانضم_لداعش
#هانضم_لداعش علشان اسافر برة ماسر
#هانضم_لداعش و اقتل كل الناس الى مضيقانى ف الحياه
#هانضم_لداعش عشان مش كل واحد ييجى يشوف الصليب ع ايدى ويسألنى هو انت مسيحى
وكتب أحدهم: "لما كله هينضم لداعش امال داعش هيقتلوا مين".
[endtext]
