[starttext]
علّق الإعلامي الساخر باسم يوسف، على قرار الحكومة المصرية بتبعية جزيرتي "صنافير وتيران" للملكة العربية السعودية قائلا "الموضوع مش إن الجزر دي مصرية ولا سعودية. الموضوع إن شعبك بيعرف أن فيه جزيرتين اتاخدوا منه من الجرايد".
وشكك يوسف على صفحته بموقع التواصل الاجتماعي "فيسبوك"، في إعلان الحكومة مؤكدا أن "الجزر لو سعودية، بتحطوها في مناهج التعليم ليه على إنها مصرية؟.. أو تتبع وزارة البيئة أو في الكتب التاريخية اللي بتتكتب من ميت سنة؟ كنتم تقولوا إنها سُلفَة".
أوضح الإعلامي الساخر، أن السلطات المصرية لم تكشف عن المفاوضات أو بنود اتفاقية ترسيم الحدود للشعب، ولم تجر استفتاءً شعبيا على الاتفاقية متسائلا: "لماذا الموقف التفاوضي المصري تغير فجأة؟ لماذا لم نُسلم الجزيرتين إلى السعودية من 10 أو 20 سنة ماضية رغم أن في تلك الفترة كانت تملك جيشا".
التلات ملفات دول في غاية الخطورة .. محدش حد اللحظة من المتابعين و العوام و المواطنين يملك فيهم الحقيقة الكاملة ... فيه حاجات كتير غائمة و في الغرف المغلقة .. سد النهضة مثلا حيؤثر فينا سلباً اد ايه ؟ أقوال كتير متضاربة بس الأكيد إننا خسرانين بنسبة لا بأس بها
موضوع ترسيم الحدود البحرية مع اليونان و قبرص و هل ديه كانت صفقة من ضمن الصفقات الكتير اللي علمناها لحصد اعتراف العالم ب 30 يونيه و ما بعدها زي صفقات السلاح و الرافال و السوخوي و سيمنس و صفقات تانيه ف ابريل مع فرنسا ؟
إلى أي مدى إحنا خسرنا من اتفاقية اليونان و قبرص ديه ؟ لا أحد يعرف بشكل مفصل
و ثالثة الأثافي تيران و صنافير اللي فيهم لغط كتير و لازم لهم تحكيم دولي و خرائط و فيه خريطة واضحة قبل تأسيس دولة السعودية بشكلها الحالي بتعلن تبعيتهم لمصر بينما فيه برضه سياق تاريخي بيعلن انهم تبع السعودية ... هل 2 مليار جنيه و 23 % من الغاز و البترول و أيا كان المستخرج هو اللي خلانا نديهم بكل سهولة الجزيرتين ديه بدون حتى ما نراجع البرلمان الكارتون و الشعب البعيد عن الحقيقة ؟
أكيد إننا حنتخانق دلوقتي و حنشير و حنفرهد و الأسعار بتغلي و السجون مليانة ناس و أظن إنها حتزيد بس الأكيد إننا حنعاني مستقبلا إن عشنا أو في حياة اولادنا مما فعله هذا النظام ... اللي ما بيعملش حاجه إلا لإستمرار بقاءه و بقاء أصحاب المصالح و النفوذ و طوائف الإدارة الباطشة
نظام بيعمل لحساب نفسه يخطيء كثيرا و يصيب أحيانا بس معزول عن الناس و حاطط ستار حديدي و محناش عارفين رايحين على فين ؟
[endtext]
